Os cambios que está a experimentar a nosa sociedade global esixen unha revisión e unha reafirmación dos valores éticos, para garantir un desenvolvemento equilibrado. A pesar de todo os gobernos parecen ser incapaces de atopar as ferramentas que devolvan a economía das súas nacións e indirectamente a do mundo aos niveis alcanzados en décadas anteriores á crise.
Mentres tanto manifestantes de todo o mundo mostran unha crecente intolerancia aos comportamentos pouco éticos das elites gobernantes. Unha xeración educada e conectada a Internet está a sublevarse contra os abusos de poder. Aumenta a corrupción, aumentan as débedas e a inseguridade económica, continúa o cambio climático e a brecha entre ricos e pobres séguese ampliando perigosamente, poñendo en risco o crear un futuro mellor.
De acordo co Banco Mundial preto de mil millóns de persoas podían estar a vivir aínda na extrema pobreza, preto do 70% destas persoas son mulleres e a elas corresponde tamén o 64% dos 775 millóns de analfabetos que hai no mundo. Moitos cremos que un futuro e un mundo mellor claro que é posible xa que o ser humano é capaz de evolucionar e reiventarse para facer realidade as súas aspiracións. Nos nosos días o valor da vida, a dignidade e os dereitos humanos é amplamente compartido.
Durante moito tempo, demostrouse que o consumismo non proporciona o benestar desexado nin a felicidade e a época dunha crise social que se nos aveciña terá que levarnos a un mundo mellor favorecendo a Xustiza Social. Uns estudos recentes descubriron que os individuos que dedican gran cantidade de tempo ao traballo voluntario teñen unha vida máis satisfactoria e son máis felices. É bo telo en conta.
