Aviso: aprazada pola chuvia, comunicarase data definitiva en breve
Este luns 9 de marzo a veciñanza de Muros vai camiñar unida en contra da discriminación. Será grazas á andaina Latexos de Igualdade, que organiza a asociación local inclusiva ADISBISMUR: unha camiñada aberta á participación de toda a veciñanza para conmemorar o Día Internacional da Muller (este domingo 8M), coa colaboración do Concello de Muros e coa participación do IES As Insuas, IES Fontexería e CEIP Ramón de Artaza.
O punto de encontro e saída é o Pozo do Cachón, ás 11.30 horas, e a meta a praza do Concello.
Será un paseo simbólico no que alumnado, profesorado, persoas usuarias, profesionais e veciñanza camiñaremos xuntas e xuntos para facer visíbel o compromiso da vila coa igualdade.
A andaina está aberta a toda a cidadanía, así que animamos a participar a familias, asociacións e persoas de Muros e arredores. “Canta máis xente se sume, máis forte será a mensaxe”, informan dende ADISBISMUR.
