O sábado volve a ser unha xornada marcada pola inestabilidade atmosférica. Teremos unha mañá de ceos con nubes medias e altas. Pola tarde, agárdase a formación de chuvascos tormentosos, máis probables na metade sur da Comunidade. As temperaturas sufrirán un lixeiro descenso, máximas de 20 graos. O vento soprará en xeral frouxo de dirección variable, no litoral norte será do nordés moderados, con refachos fortes en Bares.
O noso mar; Vento do leste á mañá, do oeste á tarde e do norte á noite, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade boa. Mar de fondo do oeste á mañá e noroeste á tarde e á noite, con ondas de 1 a 2 metros á mañá, 1.5 a 2.5 metros á tarde e 2 a 2.5 metros á noite.
