Ao abeiro da programación polo 120 aniversario da concesión do título de cidade a Ribeira, o Concello organiza a primeira edición das Xornadas Históricas que afonda en sucesos e persoeiros do municipio. A alcaldesa, María Sampedro, participou hoxe na inauguración coa conferencia da man do cronista oficial Xosé María Fernández Pazos, sobre Manuel Lustres Rivas, mestre de xornalistas e referente do galeguismo ribeirense. O final doa cto agasallouse ós presentes cunha edición facsimile feita polo Concello sobre a obra do xornalista: Pandemonium.
Tamén se exhibe por primeira vez en Ribeira unha maqueta do vapor-correo Santa Isabel feita por José Antonio Barreiro. Os coloquios continúan ata o venres 27, ás 19.00 horas, na sala polivalente do novo Auditorio municipal.
