A situación meteorolóxica apenas sufrirá cambios este martes nas Rías Baixas e Santiago de Compostela, que continuarán baixo a influencia das altas presións e con ventos do nordés.
Os ceos presentaranse pouco nubrados ou despexados en xeral, aínda que poderán formarse bancos de néboa nas primeiras horas do día en zonas do interior. Ademais, no terzo norte espéranse nubes baixas durante a mañá.
No que respecta ás temperaturas, experimentarán un lixeiro ascenso, mantendo un ambiente agradable para esta época do ano.(18 a 22 graos).
O vento soprará de compoñente nordés con intensidade moderada, consolidando a estabilidade atmosférica na maior parte do territorio.
O noso mar; vento do nordés á mañá e á noite e do norte á tarde, forza 3 a 4 á mañá e 4 a 5 á tarde e á noite. Marusía á mañá e forte marusía á tarde e á noite. Visibilidade boa. Mar de fondo do noroeste, con ondas de 2 a 3 metros á mañá, 1.5 a 2.5 metros á tarde e 1 a 2 metros á noite.
