O Concello de Ribeira súmase á iniciativa Hora del Planeta que neste 2026 convida a celebrar 20 anos de compromiso coa natureza e o clima para a defensa da Terra. Por tal motivo, baixo o lema deste ano Apaga la luz. Defiende el Planeta, apagaranse as luces das principais rotondas da cidade no
sábado, 28 de marzo, en horario de 20.30 a 21.30 horas, para amosar o compromiso do municipio ribeirense en materia medioambiental. Máis polo miúdo baixaranse os interruptores na Casa consistorial e nas rotondas de Padín, Amas de Casa e A Poutada.
