Seguen os actos conmemorativos arredor do Casco de Leiro. O vindeiro venres 4 de abril celebrarase nun acto multitudinario o 50ª aniversario do descubrimento deste moi relevante achado arqueolóxico. Será ás 17.00 horas no Centro Cultural Vicente Vidal de Leiro. O obxectivo deste encontro veciñal non é outro que render homenaxe ao veciño que descubriu o casco, José María Vicente “O Peruco”. Contarase coa presenza de Felipe Senén, arqueólogo, Álvaro Arizaga, arqueólogo, José María Vicente, veciño de Leiro e descubridor do casco, e Javier Gómez, veciño de Leiro e escritor. O acto incluirá unha vertente musical e actividades para a rapazada (as nenas e nenos que traian un debuxo do capacete -casco- levarán un agasallo).
