O Centro Arqueolóxico do Barbanza acollerá un obradoiro de tecido dirixido a persoas adultas interesadas nas técnicas artesanais da antigüidade.
A actividade celebrarase o sábado 11 de abril en xornada de mañá e tarde, cun total de sete horas e media de duración. Durante o obradoiro, as persoas participantes poderán coñecer os materiais, ferramentas e procesos tradicionais empregados na elaboración de tecidos, ademais de aprender nocións básicas de fiado e tecedura.
O curso será impartido por Miriam Fernández Otero, de Clío Gestión Cultural, e ao remate cada asistente levará unha pequena mostra do traballo realizado.
A actividade conta cun máximo de 10 prazas, polo que é necesario realizar inscrición previa a través da web do centro.
