Non á guerra, debe ser algo máis que un slogan ou unha apostila electoral. Os gobernantes, responsables políticos, institucións e organismos internacionais así como a propia cidadanía temos que ser conscientes de que queremos un mundo en paz, libre de guerras e con menos intereses económicos e estratéxicos.
O xenocidio ocorrido en Gaza, en territorio palestino, deberíanos alertar do que continúa sucedendo no planeta por culpa duns poucos autócratas fascistas e criminais, entre eles os actuais gobernantes de Israel e dos EE.UU de norteamérica. A ONU, a OTAN, a Unión Europea e outros organismos internacionais, actualmente, parecen defender co seu silencio cómplice os intereses económicos dunhas cantas empresas e gobernantes particulares, sen importarlles os asasinatos nin a morte de inocentes, por decisións unilaterais, en moito ocasións mulleres e nenos.
Por desgraza a dereita política e a extrema dereita política, mediática e xudicial sempre están á beira dos agresores, poderosos e violadores do Dereito Internacional e dos Dereitos Humanos, unicamente buscan os seus intereses particulares e corporativistas. Non podemos permanecer calados.
