Durante o mércores, unha fronte pouco activa rozará o norte de Galicia, deixando ceos máis nubrados nesta zona e mesmo algunha chuvia feble. Pola contra, na metade sur agárdanse ceos máis abertos.
As temperaturas mínimas manteranse sen cambios significativos, mentres que as máximas experimentarán un descenso moderado, máis acusado no norte. (máxima 13-14 graos).
En canto ao vento, soprará do nordés, con intensidade forte no litoral e nas zonas altas, e moderada no resto do territorio.
O noso mar: Vento do nordés, forza 4 a 6 á mañá e 5 a 7 á tarde e á noite. Forte marusía á mañá e media vaga á tarde e á noite. Visibilidade boa. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
