A Universidade da Coruña (UDC) organiza a décimo segunda edición da FIRST LEGO League Galicia (FLL Galicia), o vindeiro sábado 14 de marzo, entre as 9.00 e as 19.00 horas, no Campus Industrial de Ferrol. Desta volta participan un total de 53 equipos (32 na categoría FLL Challenge, 19 na FLL Explore e 2 na FLL Discover) e máis de 450 mozos/as de distintos puntos de Galicia e de Asturias. O evento, coordinado polo profesor da Escola Politécnica de Enxeñaría de Ferrol (EPEF), José Antonio Becerra, poderá seguirse en directo a través da canle de YouTube da FLL Galicia.
As presentacións dos Proxectos de Innovación faranse nas aulas da Escola Politécnica de Enxeñaría de Ferrol (EPEF) e nas da Facultade de Humanidades e Documentación do campus ferrolán mentres que o Xogo do Robot disputarase no Pavillón Municipal de Esteiro.
Pola súa banda, a entrega de premios terá lugar, a partires das 17.00 horas, no Auditorio de Ferrol, situado no barrio de Caranza.
Na cita estará presente un ano máis o centro MEGA Ribeira (Ribeira) que compite coa destacada cifra de catro equipos na categoría de 10 a 16 anos: MEGA Builder Team, MEGA LEGO Pobra, MEGA Ribeira Super LEGO e Robot City Pobra.
Na categoría de 6 a 9 anos MEGA Ribeira acude cos equipos Mega Builder Team Jr. e Mega Ribeira Super Lego Jr.
Entidades organizadoras e colaboradoras
A Escola Politécnica de Enxeñaría de Ferrol (EPEF) e o Campus Industrial da Universidade da Coruña (UDC) promoven, un ano máis, unha iniciativa na que colaboran a Xunta de Galicia, a través da Dirección Xeral de Traballo Autónomo e Economía Social – dependente da Consellaría de Emprego, Comercio e Emigración -, a Deputación da Coruña e o Concello de Ferrol. Ademais, patrocinan a FLL Galicia o Grupo Gabadi, a través da Cátedra Gabadi UDC Avelino Llago, o Ilustre Colexio Oficial de Enxeñeiros Industriais de Galicia (ICOIIG), o Colexio Profesional de Enxeñaría Informática de Galicia (CPEIG), Gadisa, Neodyn, ERROR! Ferrol, PuntoGal e TodoOcio Narón.
Que é a FIRST LEGO League?
A FIRST LEGO League é un programa internacional que desafía a mozos e mozas de entre 4 e 16 anos, divididos en 3 categorías, a resolver problemas do mundo real como poden ser a reciclaxe, a educación ou as enerxías limpas. Mediante a súa resolución, os mozos e mozas desfrutan coa ciencia e a tecnoloxía. Ao mesmo tempo, aprenden valiosas habilidades para o seu futuro profesional e persoal como son o traballo en equipo, a resolución de problemas e a comunicación.
O desafío FIRST LEGO League en España
Desde o ano 2022, a Asociación ingeniera.soy é a entidade que impulsa a FIRST LEGO League en España en colaboración co 20% das universidades españolas, parques tecnolóxicos e entidades de promoción da innovación como socios. Ademais, a iniciativa é unha realidade grazas á colaboración de empresas e entidades que achegan aos participantes aos coñecementos e profesións STEAM.
Como funciona a FIRST LEGO League?
Cada equipo achégase á temática anual deseñando e construíndo un robot que sexa quen de resolver os retos propostos. Ademais, a rapazada participante terá que investigar sobre esa temática e realizar un Proxecto de Innovación que propoña unha solución a un problema real. Os equipos documentarán o seu traballo e compartirán os seus achados. Ao longo da experiencia, cada un dos mozos e mozas deberá defender os Core Values fundamentais da FLL: o descubrimento, o traballo en equipo, a inclusión, o impacto, a diversión, a innovación e o gracious professionalism.
O desafío deste ano leva o nome de Unearthed e está inspirado no mundo da arqueoloxía. Nesta tempada, os e as participantes terán a oportunidade de explorar como os descubrimentos do pasado nos poden axudar a deseñar un futuro mellor. Deste xeito, os equipos terán que investigar sobre temas históricos desenterrando misterios do pasado mentres deseñan as tecnoloxías do futuro.
Os tres equipos que gañen a FIRST LEGO League Galicia participarán na Gran Final Nacional da FIRST LEGO League, o vindeiro 11 de abril, en Burgos.
Listaxe FIRST LEGO League Galicia Challenge (de 10 a 16 anos)
1
Los Pentágono
Algorithmics Vigo (Vigo, Pontevedra)
2
PEÑAVERA
Asociación Peñavera (Oviedo, Asturias)
3
NATURALAXE
CEIP Plurilingüe A Laxe (Ferrol, A Coruña)
4
Montecastelo Little Bot
Colexio de Fomento Montecastelo (Vigo, Pontevedra)
5
PEÑA BOTS
Colexio de Fomento Peñarredonda (A Coruña)
6
LegoLar
Colexio Lar (Mos, Pontevedra)
7
SafeBots
Colexio de Fomento Montespiño (Culleredo, A Coruña)
8
Guillelme Brown
Colexio Plurilingüe Guillelme Brown (Pereiro de Aguiar, Ourense)
9
Las Acacias Booster
Colexio de Fomento Las Acacias (Vigo, Pontevedra)
10
Las Acacias BOT
Colexio de Fomento Las Acacias (Vigo, Pontevedra)
11
Legotrónicas
Colexio de Fomento Las Acacias (Vigo, Pontevedra)
12
STEM GIRLS Las Acacias
Colexio de Fomento Las Acacias (Vigo, Pontevedra)
13
LEGO Jones
Colexio de Fomento Las Acacias (Vigo, Pontevedra)
14
Mont BOT
Colexio de Fomento Las Acacias (Vigo, Pontevedra)
15
Montecastelo BOT
Colexio de Fomento Las Acacias (Vigo, Pontevedra)
16
3L3CTRIK
Gazapo Xestión SL (Narón, A Coruña)
17
H4CKZ4POS
Gazapo Xestión SL (Narón, A Coruña)
18
R4PZ4POS
Gazapo Xestión SL (Narón, A Coruña)
19
CTRL+T
IES As Telleiras (Narón, A Coruña)
20
Brain Builders
IES Llanes (Llanes, Asturias)
21
Llanes Innovations
IES Llanes (Llanes, Asturias)
22
ArqueOrt
IES de Ortigueira (Ortigueira, A Coruña)
23
LEGOCITOS
IES Moncho Valcarce (As Pontes, A Coruña)
24
Equipo Carvalho
IES Ricardo Carvalho Calero (Ferrol, A Coruña)
25
MAKER VISION LAB
e-makers Lab (Narón, A Coruña)
26
MEGA BUILDER TEAM
MEGA Ribeira (Ribeira, A Coruña)
27
MEGA LEGO POBRA
MEGA Ribeira (Ribeira, A Coruña)
28
MEGA RIBEIRA SUPER LEGO
MEGA Ribeira (Ribeira, A Coruña)
29
ROBOT CITY POBRA
MEGA Ribeira (Ribeira, A Coruña)
30
Kraken Girls
Team Kraken Robótica (Avilés, Asturias)
31
TEAM KRAKEN
Team Kraken Robótica (Avilés, Asturias)
32
Terra Explorers
IES Terra de Trasancos (Narón, A Coruña)
Listaxe FIRST LEGO League Galicia Explore (de 6 a 9 anos)
1
EQUIPO BUSCAPISTAS
CEIP Plurilingüe de Castrelo (Cambados, Pontevedra)
2
EQUIPO DRAGÓN
CEIP Plurilingüe de Castrelo (Cambados, Pontevedra)
3
EQUIPO FÓSILES
CEIP Plurilingüe de Castrelo (Cambados, Pontevedra)
4
EQUIPO LEGOBOT
CEIP Plurilingüe de Castrelo (Cambados, Pontevedra)
5
EQUIPO MINI CASTREÓLOGOS
CEIP Plurilingüe de Castrelo (Cambados, Pontevedra)
6
Lego Prime
CEIP Plurilingüe Juan de Lángara y Huarte (Ferrol, A Coruña)
7
Pandilla Coliseo
CEIP Plurilingüe Juan de Lángara y Huarte (Ferrol, A Coruña)
8
Salvando a Petra
CEIP Plurilingüe Juan de Lángara y Huarte (Ferrol, A Coruña)
9
Maker Lego Lar
Colexio Lar (Mos, Pontevedra)
10
Star Lego Lar
Colexio Lar (Mos, Pontevedra)
11
LEGO Excavators
Colexio Plurilingüe Guillelme Brown (Pereiro de Aguiar, Ourense)
12
Super Lego
Colexio Plurilingüe Guillelme Brown (Pereiro de Aguiar, Ourense)
13
LOS EXPLORADORES
Gazapo Xestión SL (Narón, A Coruña)
14
TUTANKAMON
Gazapo Xestión SL (Narón, A Coruña)
15
SUPER PRIME MAKER DINO LEGO
e-makers Lab (Narón, A Coruña)
16
MEGA BUILDER TEAM JR.
MEGA Ribeira (Ribeira, A Coruña)
17
MEGA RIBEIRA SUPER LEGO JR.
MEGA Ribeira (Ribeira, A Coruña)
18
TEAM KRAKEN – Calamares
Team Kraken Robótica (Avilés, Asturias)
19
TEAM KRAKEN – Pulpitos
Team Kraken Robótica (Avilés, Asturias)
Listaxe FIRST LEGO League Galicia Explore (de 5 a 6 anos)
1
Muralla China
CEIP Plurilingüe Juan de Lángara y Huarte (Ferrol, A Coruña)
2
Bone Hunters
Colexio Plurilingüe Guillelme Brown (Pereiro de Aguiar, Ourense)
