A influencia anticiclónica marcará a xornada do xoves 26 en Rías Baixas e Santiago de Compostela, cunha circulación moi marcada do nordés.
Agárdanse ceos máis despexados ou con nubes altas en xeral, aínda que en Santiago poderían aparecer máis nubes en momentos puntuais.
As temperaturas manteranse sen grandes cambios, con lixeiros descensos nas mínimas.
O vento soprará do nordés, con intensidade forte no litoral das Rías Baixas e zonas altas, e moderado no resto.
O noso mar: Vento do nordés á mañá, do norte á tarde e do nordés á noite, forza 5 a 7. Forte marusía á mañá e media vaga á tarde e á noite. Visibilidade boa. Mar de fondo do noroeste, con ondas de 2 a 2.5 metros.
