Volve un dos grandes festivais do Barbanza da música de raizame galega: o Bruón Folk Fest.
Organizado pola Asociación Cultural Os Liantes e a Asociación Cultural Albariza, co apoio do Centro Recreativo de Artes (e de entidades como o Concello de Ribeira, a Deputación da Coruña e a operadora local de telecomunicacións Toxo Telecom), chega esta primavera á súa terceira edición, e, en palabras dos seus impulsores, “volve máis vivo, con máis forsa e máis noso ca nunca”. Desenvolverase os días 8 e 9 de maio no Centro recreativo de Artes, Ribeira, e será completamente de balde. Haberá concertos, foliadas e, unha vez máis, postos de artesanía e produtos tradicionais da nosa terra.
