Este venres 27 de marzo colle impulso a Semana Santa en Boiro, e farao polo serán, ás 20.30 horas na Igrexa Parroquial de Boiro, con misa e procesión na honra da Virxe das Dores.
A axenda da Semana Santa en Boiro vén da man da Irmandade do Cristo da Misericordia en colaboración co Concello, e incluirá actividades litúrxicas e culturais até o vindeiro 5 de abril.
O programa deste ano comezou o sábado 21 de marzo, Sábado de Lázaro, coa lectura do pregón a cargo do señor Carlos María López del Rio e a imposición de medallas aos novos confrades e os días 25, 26 e 27 de marzo celebrarase o Triduo á Virxe das Dores.
O Domingo de Ramos, 29 de marzo, celebrarase a tradicional bendición de ramos no Cruceiro de Bao, con procesión e misa solemne.
Xa o Mércores Santo, 1 de abril, desenvolverase a procesión da Nosa Señora da Piedade, que será o segundo ano que se celebre esta procesión.
O Xoves Santo está prevista a celebración da cea de Cristo, Lavatorio, Hora Santa e procesión do Ecce Homo e Virxe da Amargura; e o Venres Santo a Paixón de Cristo e Procesión do Santo Enterro.
A programación dos actos da Semana Santa 2026 continúa o sábado 4 de abril coa celebración da solemne vixilia pascual e rematará coa celebración da solemne misa de Pascua o Domingo de Pascua de Resurrección.
Programa
Sábado 21 de marzo – Sábado de Lázaro
20.30h – Lectura do pregón polo señor Carlos María López del Río e imposición de medallas aos novos confrades.
Mércores 25 de marzo – Triduo na honra da Virxe das Dores
20.00h – Triduo á Virxe das Dores
Xoves 26 de marzo – Triduo na honra da Virxe das Dores
20.00h – Triduo á Virxe das Dores
Venres 27 de marzo – Triduo na honra da Virxe das Dores
20.30h – Festividade das Dores: misa e procesión
Domingo 29 de marzo – Domingo de Ramos
11.00h – Convocatoria na Igrexa
11.30h – Bendición de ramos no cruceiro de Bao, procesión e misa solemne
Mércores 1 de abril – Mércores Santo
22.00h – Procesión da Nosa Señora da Piedade
Xoves 2 de abril – Xoves Santo
20.30h – Misa da Cea de Cristo, Lavatorio e Hora Santa
22.00h – Procesión Ecce Homo e Virxe da Amargura
Venres 3 de abril – Venres Santo
19.30h – Celebración da Paixón de Cristo
20.30h – Desencravo
21.30h – Procesión do Santo Enterro
Sábado 4 de abril – Sábado Santo
21.00h – Solemne Vixilia Pascual
Domingo 5 de abril – Domingo de Pascua de Resurrección
12.00h – Misa solemne de Pascua
