O Liceo de Noia vai celebrar nas vindeiras semanas un taller de traxes tradicionais galegos: o Obradoiro Arromba o teu Traxe, destinado a veciñas e veciños que teñan roupa tradicional da nosa terra e non saiban como vestirse correctamente, ou que queiran aprender sobre as feituras, as formas e os materiais das prendas do traxe tradicional galego, respectando o xeito tradicional de vestirse.
Segundo informou o Liceo neste obradoiro práctico afondarase no uso axeitado das prendas antigas e na correcta colocación do traxe, poñendo en valor a nosa tradición.
Levarase a cabo o sábado 28 de febreiro, o domingo 15 de marzo e o sábado 21 de marzo. Cada sesión durará tres horas. Os prezos don de 50 euros en grupos de ate 20 persoas, e de 40 en grupos de 25 persoas ou máis. As inscricións pódense formalizar xa en liña a través do documento habilitado.
