O Concello de Noia intensificou o seu traballo en materia de benestar animal e froito deste compromiso efectuou o rescate de varios cans durante a última semana en diferentes recunchos do termo municipal.
Actualmente os cans atópanse a salvo e baixo coidados, á espera de localizar ás súas familias. O Concello fixo un chamamento á poboación do municipio para atopar aos propietarios do animais e axudar á súa localización. Os datos que puideran axudar a que as historias destes cans teñen o mellor final posíbel cómpre compartilos a través da conta xea@xeagalicia.com ou a través de Rescate de Animais XEA Concello de Noia. Dende o Goberno local agradécese de antemán a colaboración da veciñanza para compartir a publicación e axudar a atopar os fogares dos animais.
