Galicia quedará este mércores 4, baixo a influencia da borrasca Leonardo situada entre as Azores e Portugal, que deixará un panorama de tempo invernal e húmido, especialmente no sur e no centro do país.
Nas Rías Baixas agárdanse precipitacións persistentes durante boa parte da xornada, con momentos de maior intensidade nas primeiras horas da tarde. En Santiago de Compostela, o ceo estará parcialmente cuberto e non se descartan chuvias intermitentes, que tenderán a remitir cara á noite.
As temperaturas subirán lixeiramente, sobre todo nas mínimas, mentres que o vento soprará con forza do oeste-suroeste, deixando sensación térmica máis baixa nas zonas costeiras. Na Mariña Oriental, pola súa banda, as chuvias serán máis escasas e de carácter disperso.
Seguiremos na xornada do xoves influenciados pola borrasca Leonardo.
O noso mar: Vento do oeste á mañá, do sudoeste á tarde e do sur á noite, forza 4 a 6 á mañá, 5 a 6 á tarde e 4 a 5 á noite. Forte marusía. Visibilidade regular á mañá e á tarde e mala á noite. Mar de fondo do oeste, con ondas de 2 a 3 metros á mañá, 2.5 a 3.5 metros á tarde e 3 a 4 metros á noite.
