O Entroido de Rianxo comeza o seu programa grande de actividades este sábado 7 de febreiro, co Pasabares de Entroido que se celebrará na contorna da Martela a partir das 20.00 horas. Trátase dunha actividade organizada pola Asociación Fogo Fatuo, entidade local centrada en reivindicar e manter viva o baile, a música e a cultura tradicional da nosa terra.
O Pasabares é un convite a desfrutar un Entroido tradicional con disfraces e música (de feito anímase á veciñanza a acudir ataviada para a ocasión con cadanseu instrumento).
Fogo Fatuo é unha asociación sociocultural para a promoción da cultura tradicional galega. Foi creada en 2008 e ten a súa sede no 23 da rúa Hospital de Rianxo.
