Esta semana proseguiu o traballo das brigadas municipais de Noia en materia de posta a punto dos núcleos do concello. Desta volta as actuacións concentráronse na Barquiña, Orro e Eiroa. Estes traballos encádranse no programa Limpamos Noia, dirixido á limpeza integral dos espazos públicos, actuando sobre rúas, beirarrúas, zonas verdes e puntos de especial uso, mellorando así a imaxe urbana e o benestar da veciñanza.
Ademais, nas últimas semanas tamén se estivo actuando noutras áreas do concello: Taramancos, a rúa de Galicia e a praza anexa.
“Desde o Concello seguimos comprometidos cunha Noia máis limpa, coidada e agradable para todas e todos” informou o Concello, engadindo que a veciñanza interesada en coñecer esta actividade municipal pode premer na ligazón habilitada e sumarse á comunidade de Noia no Whatsapp.
