Este sábado 28 de febreiro remata o ciclo de programación teatral da Rede Galega de Teatros e Auditorios de Galicia en Outes, e faino cun gran broche de ouro: cunha proposta que ten recoñecementos como o premio FETEGA ao mellor espectáculo e que tamén obtivo tres premios na edición 22 de Feten (Gijón), onde acadou os seguintes recoñecementos: mellor dirección, mellor actriz principal e mellor iluminación. Estamos a falar do espectáculo Bailar agora, de Marta Alonso Tejada.
A función, encadrada no programa Outes a Escena, levarase a cabo este sábado ás 20.00 horas na Casa da Cultura de Outes.
Bailar agora é a historia dunha bailarina que nace e medra nos anos 80-90 e que, a día de hoxe achégase aos corenta. Marta Alonso diríxese ao público para compartir a súa traxectoria como bailarina e como muller: facendo referencia ao estado actual dos seus desexos e soños, comprometéndose a facelos realidade no momento presente.
Trátase segundo a crítica do espectáculo revelación en Galicia no ano 2021, que logro numerosos premios destacando a orixinalidade da linguaxe escénica, a interpretación e a montaxe. Está dirixido a público adolescente e adulto (maiores de dez anos). O prezo da entrada será de 5,5 € (persoas con Carné Xove, menores de 12 anos, maiores de 65 anos e en situación de paro). Entrada sen desconto: 7 euros. Os billetes estarán dispoñíbeis na Casa da Cultura ou ben a través da web bandoticket.com.
