O Concello de Noia vai activar un servizo de conciliación familiar na festividade do Entroido, cuxo prazo de inscrición estará aberto ata este domingo 8 de febreiro (na sede electrónica de Noia ou presencialmente no rexistro municipal). O servizo desenvolverase os días 17 e 18 de febreiro. Haberá descontos a partir do segundo fillo. As actividades desenvolveranse no CEIP Alexandre Rodríguez Cadarso. O obxectivo é facilitar a harmonía entre o lecer da rapazada e a actividade laboral das nais e dos pais durante os días de Entroido.
Servizos e horarios dispoñíbeis:
-Aula Madruga: 07:45 – 10:00 h · 2 €
-Concilia: 10:00 – 14:00 h · 10 €
-Saída tardía: 14:00 – 15:15 h · 2 €
