A comunidade educativa do CEIP O Grupo de Ribeira conmemorou hoxe, 23 de febreiro, o Día de Rosalía de Castro cunha actividade moi especial organizada pola ANPA Santa Uxía.
Como xa é tradición nos últimos anos, a celebración xirará arredor do popular “Caldo de Gloria”, elaborado seguindo a receita orixinal recollida no poema “Miña casiña, meu lar” da propia Rosalía de Castro. Nesta ocasión, o prato contará ademais cun toque gastronómico especial da man de Richi e Ramona, do grupo Baiuca, que se suman á homenaxe cunha achega creativa.
Tras a degustación, o alumnado participou nun recitado colectivo do poema e nunha actividade artística na que pintarán e traballarán arredor da figura da insigne poeta, unha das voces máis destacadas da literatura galega.
