O sábado 24, San Francisco de Sales e Nosa Señóra da Paz, Galicia continuará baixo a influencia da borrasca Ingrid, situada ao norte da comunidade, que xerará unha marcada circulación de noroeste e a chegada de sucesivas liñas de inestabilidade.
Agárdase unha xornada de ceos nubrados, con chuvascos frecuentes, que poderán ser localmente tormentosos e ir acompañados de sarabia. A cota de neve situarase arredor dos 600 metros nas primeiras horas do día, ascendendo progresivamente co paso das horas.
As temperaturas mínimas non experimentarán cambios significativos, mentres que as máximas subirán de xeito moderado. O vento soprará do oeste-noroeste, moderado en xeral, con refachos fortes en zonas altas e no litoral.
O noso mar: Atención para o sábado 24: manterase o temporal marítimo e prevese a acumulación de neve importante en zonas de maior altitude, polo que se recomenda extremar as precaucións.
