Continuaremos este sábado 17, Día de San Antón, baixo a influencia das baixas presións situadas ao norte, coa presenza dunha masa de aire frío que se manterá ao longo de toda a xornada sobre a Comunidade. Nesta situación, espérase un día de ceos parcialmente cubertos, con chuvascos máis probables na metade oeste e moi illados e ocasionais no leste. As temperaturas rexistrarán un lixeiro descenso(3 a 12 graos). O vento soprará frouxo, de compoñente sur pola mañá, xirando a noroeste pola tarde e a nordés durante a noite.
O noso mar: Vento variable á mañá, do noroeste á tarde e do nordés á noite, forza 1 a 2 á mañá, 2 a 3 á tarde e 3 a 4 á noite. Mar rizado á mañá, mar ovellado á tarde e marusía á noite. Visibilidade regular á mañá e á tarde e boa á noite. Mar de fondo do noroeste, con ondas de 4 a 5 metros á mañá, 3 a 4 metros á tarde e 2.5 a 3.5 metros á noite.
