O xuíz do Tribunal de Instancia de Ribeira, praza 1, decretou prisión provisional, comunicada e sen fianza para o home acusado de apuñalar o seu pai en Ribeira o pasado mes de novembro.
O detido pasou a disposición xudicial tras recibir a alta hospitalaria, logo de permanecer ingresado durante case tres meses debido ás feridas sufridas no suceso.
Tras a súa comparecencia, o maxistrado acordou o seu ingreso en prisión mentres continúa a investigación xudicial. O acusado está a ser investigado por un delito de tentativa de homicidio.
Os feitos ocorreron no ámbito familiar e seguen baixo investigación para esclarecer as circunstancias exactas nas que se produciu a agresión.
