As interrupcións afectaron a amplas áreas da cidade, como o Restollal, Praza de Galicia, República Arxentina, Pontepedriña, Os Tilos ou a Avenida de Vilagarcía, ademais de concellos próximos como Teo. O impacto foi especialmente visible no centro urbano, onde comercios e locais de hostalaría quedaron ás escuras en pleno horario punta.
Santiago volveu vivir este xoves unha tarde marcada por apagóns encadeados que devolveron aos veciños a sensación de incerteza de episodios anteriores.
Segundo informa Diario de Santiago, as incidencias comezaron arredor das 20.00 horas, en pleno momento de máxima actividade, cando o subministro eléctrico empezou a fallar de maneira repetida en distintos puntos da cidade e da súa contorna.
Os cortes producíronse coincidindo co forte temporal provocado pola borrasca Ingrid, con vento intenso e choivas persistentes. Segundo fontes de Naturgy, a causa é unha avaría aínda sen localizar, mentres os equipos técnicos continúan traballando para restablecer o servizo.
O balance oficial sitúa en preto de 3.000 os clientes afectados, aínda que veciños de diferentes barrios aseguran que o número podería ser maior, xa que en moitas zonas o subministro cortouse e regresou varias veces ao longo da tarde. En numerosos puntos, horas despois, a electricidade aínda non se recuperara de forma estable.
As interrupcións afectaron a amplas áreas da cidade, como o Restollal, Praza de Galicia, República Arxentina, Pontepedriña, Os Tilos ou a Avenida de Vilagarcía, ademais de concellos próximos como Teo. O impacto foi especialmente visible no centro urbano, onde comercios e locais de hostalaría quedaron ás escuras en pleno horario punta.
A natureza irregular dos apagóns provocou problemas adicionais en ascensores, alarmas, calefaccións e conexións a internet, mantendo a miles de persoas pendentes dunha solución definitiva á avaría.
