Este domingo 4 de xaneiro, As Súas Maxestades os Reis Magos van facer unha incursión en Rianxo para visitar, de xira, todas as parroquias do concello e levar a ilusión a todos os recunchos do municipio. “Esta tarde as Súas Maxestades visitarán os centros culturais das parroquias, para poder atender un a un aos nenos e nenas que se acheguen a trasladarlles os seus desexos”, informou o Concello, compartindo a folla de ruta da visita.
Percorridos e horarios:
16.00 – Taragoña · Centro Cultural de Taragoña.
17.00 – Araño · Centro Cultural A Capela.
18.00 – Isorna · Casa da República.
19.00 – Leiro · Centro Cultural Vicente Vidal.
20.00 – Asados · Escolas Vellas da Atalaia.
Mañá, luns 5 de xaneiro a partir das 17:30 horas, chegada dos Reis Magos a Rianxo e tradicional recepción.
