O Concello de Rianxo lembra á rapazada e ás familias que esta fin de semana volven as actividades de lecer polo Nadal no Pavillón Municipal José Manuel Abuín “Chema”. Haberá novamente (este venres 2 de xaneiro e este sábado 3) un completo programa de obradoiros, xogos e inchábeis para desfrutar destes días tan especiais. O horario será de 16.30 a 19.30 horas. Ademais o programa de actividades previstas inclúe dúas actuacións para os máis pequenos e pequenas. Este venres a partir das 19.00 horas Mario Faltri achegará o espectáculo A fantasía do Nadal, e mañá sábado Cris de Caldas acudirá cos seus Contos de Nadal, tamén a partir das 19.00 horas.
