O Concello de Boiro, a través do Centro Arqueolóxico do Barbanza, promove un obradoiro de bonecas prehistóricas recortábeis para rapazada de entre 6 e 14 anos. A actividade será o sábado 14 de febreiro ás 11.30 e 17.00 horas.
Durante a actividade, as persoas participantes poderán descubrir e manipular réplicas de ferramentas prehistóricas, mergullándose no mundo dos poboados castrexos. Ademais, pintarán e recortarán bonecas prehistóricas con traxes e elementos da época.
Capacidade limitada a 15 prazas por quenda. Para participar é necesaria inscrición previa, que se pode realizar a través da web do centro.
