O vindeiro sábado 24 de xaneiro, no marco dos Actos Castelao 2026, chega ao Auditorio de Rianxo a adaptación teatral e musical do libro Un ollo de vidro de Castelao, a cargo da Coral Solfa e A.C. O Galo, impulsada pola federación de asociacións Galiza Cultura.
A entrada será de balde ata completar capacidade.
O esqueleto protagonista relátanos as súas memorias, que recollen as peripecias dunha existencia máis alá da morte, sobre o mundo dos vivos.
A través da mirada dese esqueleto, “soterrado nun cemiterio de cidade pero moi atento ao que acontece fóra”, o público poderá rir, reflexionar e recoñecerse nas situacións que Castelao retrata: as loitas labregas, o drama da emigración, o caciquismo ou a defensa do idioma galego… Temas que, máis dun século despois, continúan plenamente vixentes.
Esta representación ofrece ao público a oportunidade de achegarse á obra e ao pensamento de Castelao desde unha perspectiva viva e simbólica, perfecta para celebrar o Samaín cunha reflexión cultural e histórica.
