Lousame preparou unha gran festa cos Reis Magos por partida dobre: por unha banda o Concello celebrou un gran Festival de Reis este domingo de xaneiro pola tarde, no Polideportivo Municipal da Silva. Houbo xogos, obradoiros, inchábeis, lambonadas, música e chocolate con churros de balde para a rapazada (e tamén para para os maiores na Churrería Rafa).
Ademais, este luns 5 de xaneiro o Concello organizou unha actividade oficial para recibir ás Súas Maxestades a partir das 10.30 horas e até as 14.00 horas na Casa da Cultura de Lousame.
Dende o Concello lembraron a necesidade de que os adultos acompañen á rapazada participante.
