O músico barbanzán Maneiro (Javi Maneiro, O Conchido, A Pobra), ex-solista de Heredeiros da Crus, está a presentar estes días o primeiro sinxelo do seu novo traballo en solitario despois da saída dos Heredeiros. Trátase do tema A miña mellor versión, que, segundo sinala o propio músico, marca unha nova etapa na súa carreira, agora exclusivamente centrada no proxecto “Maneiro”. Producido por Fran Gude e arranxado por Rubén Cores, que ademais gravou guitarras e coros, o tema conta coa colaboración especial de Anxo Pintos á zanfona, percusións e a frauta.
Na composición da letra e música atópase o propio Maneiro, que adianta que A miña mellor versión camiña entre a melodía do pop, a esencia do rock e a musica de raíz tradicional galega.
A miña mellor versión é o primeiro dos sinxelos que irán vendo a luz, e que a finais de ano formarán parte do novo disco de Maneiro
A estrea oficial será o 16 de xaneiro en tódalas plataformas dixitais.
O videoclip estará dispoñíbel na canle de Maneiro en YouTube ese mesmo día.
Mentres podemos escoitar o tema en Theorchard.com.
