O Museo do Gravado (Artes, Ribeira), a través do seu director, Pastor Rodríguez, informou o inminente desenvolvemento da XVII edición do seu Obradoiro de Gravado, que se realiza esta fin de semana: do venres 23 ao domingo 25 de xaneiro.
A través desta actividade as persoas participantes aprenderán a realizar obras a partir dun novo proceso de gravado que o seu autor, o profesor José Fuentes (Universidade de Salamanca), denominou litogravado. Este proceso deuse a coñecer na súa tese doutoral no ano 1985.
Trátase dun proceso de gravado que aporta unha nova forma de obter imaxes gravadas sobre matriz de cobre a partir dun debuxo realizado directamente sobre a mesma. O carácter gráfico das imaxes obtidas a través deste proceso é moi similar ao debuxo litográfico sobre pedra, de aí o seu nome: litogravado. As imaxes créanse debuxando cun lapis graxo sobre o cobre que foi previamente tratado para que o lapis se adhira e o trazo proporciónanos unha ampla gama de tons.
No curso hai anotadas 13 alumnas e alumnos de diferentes provincias (A CORUÑA: Ribeira, Pobra, Santiago, Milladoiro, PONTEVEDRA: Pontevedra e Vigo; LUGO: Lugo e MADRID).
A entrega de diplomas do XVII Obradoiro de Gravado terá lugar o domingo, 25 de xaneiro de 2025, ás13.30 h no taller do MUGART (Museo do Gravado de Artes).
O curso será impartido por José Fuentes Esteve, Antonio Navarro e Isabel Carrarelo, da Universidade de Salamanca (Instituto de Investigación en Arte y Tecnología de la Animación USAL).
