Máis de media ducia de axentes enmascarados golpearon e finalmente mataron por disparos a un cidadán norteamericano de 37 anos na cidade de Mineápolis. Segundo as autoridades estatais o home levaba unha arma curta e dous cargadores. Trátase dun individuo de raza branca. Os participantes nesta acción nin sequera poden acollerse neste caso á “desculpa” de que se trataba dun home de raza negra: era branco e norteamericano, avecindado en Mineápolis.
Esta cidade prohibiu o dereito de manifestaciòn e que se eviten casos de violencia. O xefe de policía, Brian O’Hara, confirmou os acontecementos e pediu aos cidadáns que, por favor, “non destrúan a nosa propia cidade”.
Pola súa banda, o alcalde de Mineápolis, Jacob Frey, confirmou que acababa de contemplar nun vídeo que “máis de seis axentes enmascarados golpean brutalmente a un dos nosos concidadáns, disparándolle ata matalo”. Pregúntase Frey cantas vidas teñen que perderse “antes de que esta administración entenda que unha narrativa política e partidista non é tan importante coma os valores estadounidenses”.
O suceso producise esta fin de semana, quince días despois de que os axentes do Servizo de Inmigración e Control de Aduanas (ICE) mataran a tiros a unha muller que ocupaba o seu coche durante unha das súas redadas contra migrantes.
En Minnesota hai milleiros de oficiais violentos e carentes do necesario adestramento.
A administración Trump asegurou que o veciño de Mineápolis morto esta semana estaba armado e que os axentes estaban na percura dun inmigrante ilegal acusado de asalto.
O presidente de EUA, Donald Trump, xustificou a actuación policial. Para el o importante semella ser eliminar aos migrantes, sen ter en conta a súa ascendencia familiar e mesmo a da súa dona.
