A Policía Local de Rianxo e o Concello informaron de que a crecida do río Te por mor das repetidas chuvias destas semanas (que recrúan este luns coa chegada dunha nova fronte húmida) está a xerar un serio risco de desbordamento. Isto motivou que fose cortada a vía que une as parroquias de Asados e Taragoña na zona da Laxe.
Engaden a que a situación climática deste luns é probábel que agrave o problema do anegamento, coa chegada dun novo sistema frontal moi activo e traendo moita humidade. Deste xeito, o ceo estará cuberto con precipitacións persistentes e intensas, máis activas co avance da tarde, deixando acumulacións importantes en gran parte do territorio galego.
