Sen ningunha dúbida os anos ofrecen moito experiencia sobre a vida. Algúns continuamos aprendendo e avanzando intelectualmente, outros se estancan e agárranse aos vellos preceptos e costumes. Así nos atopamos co que está a pasar política e socialmente nalgúns países occidentais, xente que se mimetiza cos seus gobernantes, cuanto máis conservadores, tradicionalistas e retrógrados mellor porque queren manter os seus privilexios con bos soldos, bens inmobles, investimentos financeiros ou elevados fondos de pensións para que nada cambie e outras persoas que buscan gobernantes progresistas e comprometidos cos máis desfavorecidos, vulnerables, invisibilizados, marxinais, explotados ou parias da sociedade para que tamén poidan vivir cun mínimo de dignidade.
As poderes públicos están obrigados a cumprir e desenvolver os diferentes articulados do texto constitucional e das demais leis ou regulamentos que se aproban nos diferentes parlamentos democráticos. A maioría de toda esta lexislación tendente a garantir e mellorar os dereitos adquiridos grazas ás loitas multitudinarias e ás demandas de miles e miles de traballadores e cidadáns ao longo de séculos.
Cando ao goberno chega, por determinadas circunstancias, algún que outro tolo, ególatra ou fascista, os cidadáns temos que alzar a voz pola contra pode suceder o que xa ocorreu con outros exemplos históricos relativamente recentes, en Europa, como os imperialistas e antidemocráticos, Napoleón ou Hitler.
