BeOne, firma concesionaria do complexo deportivo municipal de Rianxo, quixo comezar o ano con forza e transmitir esta enerxía á veciñanza. Deste xeito, deu a benvida a 2026 cunha nova campaña deseñada para que “poñernos en forma sexa máis doado ca nunca”, unha proposta “clara e sen letra pequena” que consiste en ofrecer matrícula de balde e tres días de proba gratuíta para que as veciñas e veciños de Rianxo “proben e decidan”.
O centro deportivo municipal, xestionado por BeOne e situado na rúa Rosalía de Castro, destaca polas completas instalacións deseñadas para ofrecer unha experiencia deportiva, en palabras da firma, de “alta calidade”. Entre os seus servizos destaca a ampla sala fitness, equipada con zonas diferenciadas para cardio, forza e adestramento funcional, ademais de piscinas e unha zona de spa.
“A n osa oferta deportiva complétase con un extenso programa de clases dirixidas, con clases de tonificación, ciclo indoor, actividades coreografadas e de corpo-mente”, salientan dende BeOne, poñendo o foco en que “xaneiro é un momento clave para iniciar cambios positivos, unha oportunidade perfecta para apostar pola actividade física, polo que con esta campaña queremos que calquera persoa poda comezar a adestrar con todas as vantaxes”.
E engaden: “BeOne Rianxo tamén é un lugar ideal para familias, xa que ofrecemos abonos especiais e servizos deseñados para elas como un área infantil de xogos, escola de natación infantil, campus en períodos non lectivos, brindando así opcións para que tanto adultos como nenos, gocen dunha vida activa e saudábel nun entorno divertido”.
A inscrición pode realizarse directamente no centro ou a través de la páxina web, onde os interesados poden consultar as condiciones da promoción e encontrar o seu centro máis preto.
O convite está dispoñíbel na web de Beone.
