Estradas ateigadas de tractores e grupos de persoas, maioritariamente homes, son hoxe en día en Galicia, testemuño sonoro e visual da disconformidade dos labregos -agora denominados agricultores- coa situación derivada da sinatura este sábado en Paraguai do acordo entre a UE e MERCOSUR: 27 estados membros da Unión Europea con Arxentina, Brasil, Uruguai e Paraguai ou, o que ven ser o mesmo, un mercado de máis de 740 millóns de persoas que constitúen por sí mesmas a maior zona de libre comercio do mundo.
Os labregos concentrados en Galicia -ao igual que noutras comunidades autónomas españolas e cidades europeas- evidencian a súa disconformidade co significado da sinatura do mencionado acordo por entenderen os afectados polo mesmo que vai en detrimento dos seus intereses: as normas que regulan a produción de alimentos deben ser as mesmas para todos e, en base ao xa acordado, os que se incorporen a partir de agora a tal xigantesco mercado, poden poñer en perigo aos que actualmente conforman a UE.
Témese especialmente a chegada masiva de carne procedente dos países latinoamericanos (especificamente Argentina, con pastos tan extensos coma Europa) após máis de 25 anos de negociacións para conformar Mercosur, un acordo de asociación entendido como histórico que afecta a un colectivo que representa o 20% da riqueza mundial. O camiño percorrido percura un comercio xusto fronte dos aranceis que baralla de xeito especial Estados Unidos de América. Os cítricos, a carne de vacún ou o azucre son elementos que “sacan” da partida de xogo aos produtores europeos, mais estes poden poñer na palestra os lácteos, o aceite de oliveira ou o viño, entre outros.
Para sectores coma os da pesca ou o as conservas galegas, todo un mundo en revolución porque o que agora se formula para o campo xa o viviron eles, entre outras porque as normas sanitarias non se aplican do mesmo xeito e o seu grao de cumprimento é moi distinto na produción en Suramérica e Europa.
Todo un reto histórico no que a Comunidade Autónoma galega debe implicarse, dados os vencellos existentes.
