Debido ás alertas laranxa e vermella, a Secretaría Xeral para o Deporte da Consellería de Presidencia, Xustiza e Deportes anunciou a suspensión da actividade deportiva no mar, tanto federada como do programa Xogade, nos concellos afectados segundo as previsións dos órganos preditores, e que se poden consultar na web Deporte Galego.
A Xunta A Xunta de Galicia ampliou hoxe a alerta laranxa por temporal costeiro a todo o litoral galego, ante a evolución dun episodio meteorolóxico adverso que está a afectar a costa, e anunciou que mañá elevarase a alerta a nivel vermello no litoral noroeste e oeste da provincia da Coruña a partir das 21:00 horas.
Segundo a Axencia Estatal de Meteoroloxía (Aemet), o fenómeno meteorolóxico adverso afectará hoxe a todo o litoral galego cunha mar combinada do noroeste e ondas de ata seis metros e, nalgúns momentos, de sete metros. Para mañá, nas zonas noroeste e oeste da costa coruñesa, espéranse condicións máis extremas coas ondas que poderán acadar os nove metros e vento do noroeste de ata forza sete.
Como medida preventiva, a Secretaría Xeral para o Deporte anunciou a suspensión da actividade deportiva no mar, tanto federada como do programa Xogade, nos concellos incluídos nas áreas con alerta, segundo as previsións dos órganos meteorolóxicos.
