Rianxo acolleu hai un par de meses a súa primeira Gladiator Race, un reto deportivo e de lecer no que participaron uns 300 menores de entre 3 e 12 anos vivindo unha xornada única cunha carreira que aglutina deporte, diversión e solidariedade.
Daquela anunciouse que o recadado sería destinado á asociación de nenos con cancro de Galicia (ASANOG) e que o Banco Mediolanum aportaría á dita entidade unha cantidade igual á recadada. No día deste 30 de decembro tivo lugar no Consistorio de Rianxo o acto formal de entrega do importe total acadado: un total de 7.248€.
A cita celebrouse o pasado18 de outubro.
Gladiator Kids é a modalidade para a rapazada da proba deportiva Gladiator Race. “Na Gladiator Kids as nenas e nenos poderán gozar dun percorrido de obstáculos adaptado á súa idade para que poidan pasar un intre divertido, acompañados dos seus pais ou familiares”, sinalan dende a organización.
