O Concello de Rianxo formalizou un convenio de colaboración coa Confraría de Pescadores Virxe do Carme de Rianxo.
Este acordo diríxese en boa medida a regularizar a cooperación que se vén dando entre as dúas entidades: unha colaboración que inclúe, entre outras cousas, o uso por parte do Concello de Rianxo de maquinaria do pósito para a limpeza dos areais rianxeiros.
Ademais, o Concello comprometeuse a velar pola actividade da confraría cunha achega de 10.000€. Estes fondos servirán, por exemplo, para a promoción dos produtos do mar de Rianxo e a rexeneración dos bancos marisqueiros nos que faena tanto o marisqueo a pé como a flote.
