O Concello de Noia vai celebrar a festa do acendido de Nadal o vindeiro venres 12 de decembro, a partir das 19.00 horas, con epicentro a carón do palco da música da Alameda. O programa inclúe o prendido do alumeado, dirixido e oficiado pola comunidade da asociación inclusiva A Creba, e unha vertente musical a cargo da Coral Polifónica de Noia, que interpretará cancións tradicionais destas datas sinaladas: panxoliñas.
Tamén haberá, para veciños e visitantes, degustación de chocolate con churros para celebrar o inicio oficial das festas de Nadal na vila noiesa. Será, en palabras do Concello, “un momento especial para iniciar xuntos as celebracións”.
