A concellería de Ensino e Lingua do Concello de Muros e o IES As Insuas organizan unha recollida solidaria de alimentos e produtos de hixiene de cara as datas de Nadal. O punto de recollida será o centro educativo e os artigos serán doados a Cáritas, quen se encargará de repartilos.
O día 15 de decembro farase o acto de entrega no IES As Insuas.
“Agradezo a implicación de todos os centros educativos que colaboran nas campañas que promovemos este mes de decembro, como o Mercadiño Solidario do 12 de decembro, onde o alumnado venderá os adornos de Nadal que elaboran nos centros, ou esta recollida de alimentos”, afirmou Laura Rivadeneira, concelleira de Ensino de Muros.
