Esta Nadal, Noia énchese de creatividade cun novo Mercado de Arte, en palabras do Concello “un espazo para descubrir, apoiar e gozar do talento artístico nun ambiente único”. O Mercado de Arte terá abertas as súas portas entre o venres 19 e o domingo 21 de decembro, na rúa Rosalía de Castro (Local dos Franciscanos), na Alameda de Noia, con horario de 17.00 a 20.30 horas, o venres, e de de 11.00 a 14.30 horas e de 16.00 a 20.30 horas o sábado e domingo. Haberá actuacións musicais en directo a cargo de Brais Sanchez (o venres 19 ás 19.00 horas) e de Ebora (o domingo ás 19.00 horas). Organiza o Concello de Noia ao abeiro da programación destas festas (É Nadal é Noia) en colaboración con Nebolina Colectivo Artístico.
