Este sábado 13 de decembro celébrase a festa de Santa Lucía en Asados, organizada pola Asociación A Leoria en colaboración co Concello de Rianxo. Serán a partir das 9.00 horas no núcleo de Santa Lucía, contarase con carpa para protexer aos asistentes das inclemencias do tempo.
A festa terá unha marcada vertente relixiosa, con misas ás 9.00, ás 10.00, ás 11.00 e ás 12.00 (cantada).
De xeito paralelo celebrarase A Feira do 13, un mercado con produtos locais e artesanía.
Entre as misas haberá un cantar de cego con O Cegho de Matamá e Aldariña de Candeán.
A vertente gastronómica da celebración contará con cantina, pulpeiras/os e callos.
Haberá sesión vermú con Eva e Camilo, antes do xantar.
Xa pola tarde, celebrarase unha misa solemne ás 18.00 horas. A festa rematará cun concerto de A Requinta de Lampai.
