O Concello de Ribeira informa do cambio na data de celebración do Nadal nas Parroquias para Castiñeiras, na casa da cultura e no adro a igrexa, polo pasamento do seu párroco, don Ricardo Villaverde, quen está sendo velado na igrexa parroquial hoxe e mañá (luns 22 e martes 23 de decembro). Deste xeito, a proposta que estaba programada para este martes, 23 de decembro, trasládase ao domingo, 4 de xaneiro de 2026, de 17.00 a 20.00 horas, no mesmo lugar. Haberá obradoiros, inchábeis, visita do Carteiro Real e sesión disco.
Con motivo deste cambio, a Concellería de Cultura montará os inchábeis no exterior do Centro Social de Corrubedo no día de mañá, de 17.00 a 19.00 horas, coincidindo cunha actividade de Nadal que alí se desenvolve por parte do tecido asociativo.
