A Brigada Municipal de Obras de Noia vén de poñer en marcha dúas actuacións importantes en marquesiñas do concello:
Por unha banda no Canaval, onde se procedeu á instalación dunha nova marquesiña, solicitada hai varios anos polos veciños e veciñas que acoden aos centros de día, dando resposta a unha demanda histórica da parroquia.
Pola outra en, Vilardante, coa reparación en profundidade dunha marquesiña existente, que, segundo informou o Concello, “grazas a estes traballos xa queda totalmente operativa e permite o seu uso para a liña escolar de autobús, mellorando a seguridade do alumnado”.
Ademais, a brigada ten previsto reparar varios cristais doutras marquesiñas que sufriron actos vandálicos ou accidentes nos últimos meses.
“Desde o Concello de Noia seguimos traballando para mellorar os servizos e a seguridade no transporte público en todas as parroquias”, informaron dende o Goberno local.
