O programa de xuntanzas participativas do Concello de Noia, O Goberno Escoita, visita esta semana a parroquia de Santa Cristina de Barro. Será o vindeiro mércores 10 de decembro ás 19:30 h. Contarase coa presenza do alcalde, Francisco Pérez, e mailo equipo de Executivo, que estarán no Local Social de Barro para manter unha nova xuntanza cos veciños e veciñas e escoitar as súas demandas, necesidades e propostas para a actual lexislatura.
As xuntanzas de O Goberno Escoita xa chegaron a Ousoño, Orro, A Barquiña, Boa, Boña e San Paio.
Segundo o Concello, “a participación veciñal é clave para seguir construíndo unha Noia mellor”.
Dende o Executivo local tamén destacan o “bo resultado” e a “gran acollida” que están a ter as xuntanzas de O Goberno Escoita en todas as parroquias.
