O xoves será un día marcado pola inestabilidade atmosférica con ventos de compoñente oeste, co paso dunha fronte nas últimas horas do día. Con esta situación, agárdanse ceos con intervalos nubrados e chuvascos, máis frecuentes pola mañá e na metade sur e oeste de Galicia. As temperaturas mínimas continuarán sen cambios, mentres que as máximas sufrirán un lixeiro a moderado descenso. Os ventos soprarán de compoñente oeste, fortes no litoral e moderados no interior.
Vento do oeste á mañá, do oeste á tarde e do sudoeste á noite, forza 5 a 7 á mañá e 4 a 5 á tarde e á noite. Media vaga á mañá e forte marusía á tarde e á noite. Visibilidade regular á mañá e á tarde e mala á noite. Mar de fondo do oeste á mañá e noroeste á tarde e á noite, con ondas de 2.5 a 3.5 metros á mañá e á noite e 3.5 a 4.5 metros á tarde.
