Unha moza tivo que ser trasladada ao hospital de Vilagarcía de Arousa tras resultar ferida nunha perna por un coitelo, unha lesión que lle provocou unha hemorraxia que requiriu asistencia médica. A Policía Nacional investiga agora o ocorrido para determinar se se tratou dun accidente, como sosteñen tanto a vítima como a súa parella, con quen se aloxaba nun hotel da localidade.
Segundo fontes da Policía Local, o aviso chegou ao redor das 09.00 horas a través do persoal do establecemento, aínda que o incidente produciuse varias horas antes, ao redor das 04.00. A moza presentaba un corte por baixo do xeonllo provocado por unha arma branca, motivo polo que foi trasladada a un centro hospitalario para controlar a hemorraxia.
Tanto ela como o seu acompañante aseguran que a ferida se produciu de maneira accidental. Ata o lugar desprazáronse patrullas da Policía Local e da Policía Nacional, sendo este último corpo o encargado de instruír as dilixencias para esclarecer o sucedido.
